خبز البريوش

+
----
-
المقادير:
-3بيض
-كأس حليب دافئ
-كأس زيت
-نصف كأس سكر عادي (إذا كنت تحبيه حلو استخدمي كأس إلا ربع)
-1ملعقة أكل خميرة الخبز مذوبة في القليل من الحليب الدافئ
-رشة ملح (مغيرفة صغيرة وما تكون معمرة)
- مغرف صغيرة فانيلا والأحسن استخدام برش قشر الليمون الأخضر
-فرينة
للتزيين: 2صفار بيض+مغرف حليب. سانوج+ جلجلان .
التحضير
اخلطي المكونات السائلة أولا ثم أضيفي الفرينة تدريجيا حتى تصبح عجينة متماسكة لا تكون جافة كثيرا بحيث كل ما تكون طرية يكون الخبز خفيف.
سخني الفرن ثم أطفئي أدخلي العجينة حتى تخمر (الفرن ما يكون ساخن جدا حتى لا تطيب العجينة)
لما تخمر خرجيها من الفرن واكسري الخمور لكن دون ما تدلكي قلبيها فقط، ثم خذي القليل من العجينة ديري حربوش واظفري ظفيرة نتاع اثنين وشكليها أساور.
أدخليها الفرن المسخن مرة أخرى، لما تخمر اطليها بالبيض ورشي عليها السانوج والجلجلان.
أدخليها فرن درجة حرارة 180
ملاحظة:
في المناطق الباردة يمكن تأخذ ساعة حتى تخمر.
بالنسبة لشكلها يمكن تشكيلها ظفيرة نتاع ثلاثة. ويمكن أيضا تكسلي العجينة وتقطعيها شكل دوائر.
بالنسبة للتزيين يمكن تعويض البيض والجلجلان بالسكر الرطب. استخدميه مباشرة بعد ما تخرجيها من الفرن.
خبز سهل وحلو ومقادير بسيطة أنا جربتو وخرج شباب يمكن تقدميه مع الشاي
جربوه وقولولي. بالصحة